Frá og með 1. janúar næstkomandi verður einungis hægt að blogga um fréttir á mbl.is ef fullt nafn bloggara birtist á bloggsíðu hans. Bloggarar geta eftir sem áður bloggað undir stutt- eða gælunafni, en fullt nafn viðkomandi þarf að koma fram á höfundarsíðu til þess að möguleikinn að blogga um fréttir sé til staðar.

Þetta var varla gaman. Í þau fáu skipti sem ég kom með málefnaleg (yfirleitt) komment, þá var viðkomandi síðuhöfundur sjaldnast gefinn fyrir annað en mikinn málflutning. Eða öllu heldur: Mikið málfar, lítið innihald. Við höfum nú þegar 63 einstaklinga sem starfa við slíkt á fullum launum.

Sé gerð krafa um fullt nafn, þá hverfur oft möguleikinn á því að koma ýmsu til skila. Í sumum tilfellum vilja menn ekki þurfa að svara til saka fyrir einhverja tiltekna orðsendingu eða einfaldlega hafa ekki áhuga á því. Fyrra tilfellið er hugsanlegt þegar málefnið er viðkvæmt og/eða tengjast viðkomandi, seinna tilfellið er hugsanlegt þegar verið er að koma með nafnlausar ábendingar, t.d. um ranghugmyndir ofstækismanna, s.s. síonista eða þjóðernissinna. Í slíkum umræðum vil ég ekki setja staf niður á blað undir nafni.